tg-me.com/bassempoems/11318
Last Update:
✨خدمة محبي باسم الكربلائي تقدم:
📜قصيدة : زينب عودت يا حسين
✒️للشاعر : السيد سعيد الصافي الرميثي
📅:ليلة 22 محرم 1427
🕌: مسجد الموسوي - دولة الكويت
زينب عودت يحسين
عن گبرك تناشد وين
وتنشد عن گبر عباس
وعن العلم والجفين
▪️▪️▪️▪️▪️
مشت بس بالجسد عنك
نحيل بكل كتر مجروح
وعافتها على الغبره
يم جسمك تون الروح
شحال الشافت الوالي
جتيل مسلب ومذبوح
وما يوگع عليه اللوم
لو نوح الحمام تنوح
رجعت وبگلب محتار
تحجيله عليها الصار
شوف شتارك من اثار
دم وجمر گام يهل
مدمعها على الخدين
▪️▪️▪️▪️▪️
طاحت من على الناگه
لمن شاهدت گبرك
اعله گبرك شبجت ايديها
وباللي شافته تخبرك
هاي الشافتك يحسين
من حز الشمر نحرك
وشافت يا وليها الخيل
لمن هشمت صدرك
وشافت جبدك المصيوب
وشافت شيبك المخضوب
وشافت جسمك المسلوب
وشافت بالمعاره الگوم
لمن حاطتك صوبين
▪️▪️▪️▪️▪️
عگب ذاك الخدر لنها
ابذله اعله الهزل راحت
واعله الجثث مروها
وبصوت الحزن صاحت
عالغبره طحت يحسين
يخويه وهيبتي طاحت
حرمه ومشت مهضومه
وناح الصخر من ناحت
راحت عنك بيا حال
تحمي من الاعادي عيال
زينب هالتباري اطفال
وما واحد يساعدها
وبعد المن تدير العين
▪️▪️▪️▪️▪️
ولمن دخلت الكوفه
ولزينب خطر تذكار
وبذاك الوكت من جان
امير الكوفه حامي الجار
هلت دم مدامعها
لمن شبحت اعله الدار
ومن ذكرت خدرها الراح
ولنها بولية الاشرار
صاحت يا علي دخيلك
يبويه منين ابديلك
لون عن حالي احجيلك
الصوبك وجهت وجهي
ما تنهض يبو الحسنين
▪️▪️▪️▪️▪️
زينب بت علي الكرار
و جدها اشرف الاجداد
وتتفرج عليها الناس
ويا حيف بحبل تنگاد
المحد شاهد الها خيال
دخلت مجلس بن زياد
صاحت ريت اخذني الموت
عمري بذله ما ينراد
عفيه وما نفذ صبري
من عگب الاخو وخدري
ريت الموت اخذ عمري
وهذا الگلب كله جروح
شعد لاجرح لا جرحين
▪️▪️▪️▪️▪️
الف يا حيف هذا يكون
عدل الدهر وانصافه
زينب تدخل اعله يزيد
وحال ام الحزن شافه
مخلي بطشت راس حسين
ويضرب بالعصه شفافه
تگله لا تظن خويه
جرح الشام يتشافه
لو يمي البطل عباس
راعي الفخر والنوماس
جا ما شاهدتني الناس
يا وسفه جفيلي طاح
وسبوني و ورموا المتنين
▪️▪️▪️▪️▪️
انشد على حسين اخويه ها عدل .. ها مات
لمن وردني الخبر روحي بحزن .. هامت
وعيوني مثل النحر دم ودمع .. هامت
صلت عليها الهنادي والسمر .. شيعته
والگوم شي صوبه شي سلبه .. شي عته
خل تلبس ثياب سوده بالحزن .. شيعته
ومن بعد الحسين لا ترفع بعد .. هامات
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://www.tg-me.com/m7bebasim
📝 Tel : للقصائد المكتوبة
https://www.tg-me.com/us/محبي باسم الكربلائي القصايد المكتوبة/com.bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠
BY محبي باسم الكربلائي/القصايد المكتوبة
Warning: Undefined variable $i in /var/www/tg-me/post.php on line 280
Share with your friend now:
tg-me.com/bassempoems/11318